التوجيه حق ديال كل طالب مغربي
كل عام، آلاف الطلبة فالمغرب كيلقاو راسهم قدّام واحد من أصعب القرارات: شنو يقراو من بعد الباك؟ مدرسة عليا؟ جامعة؟ معهد؟ مباراة وطنية؟ المشكل هو أن المعلومات اللي محتاجين ماشي ديما سهلة باش تلقاها، وكتكون متفرقة بين بزاف ديال المواقع والمصادر.
من هنا جات فكرة الموجه: أي طالب مغربي، فين ما كان، خاصو يلقى نفس المعلومات اللي غادي تعاونُه ياخد قرار مناسب لمستقبلو.
فالموجه، جمعنا ليك المعلومات اللي كتحتاج على المدارس العليا، الجامعات، الأقسام التحضيرية، مدارس المهندسين، الكليات والمعاهد. غادي تلقى شروط الولوج، المسالك المتاحة، والأهم: مواعيد المباريات والتسجيل باش ما تفوّت حتى فرصة.